писец

Гениально написано. Восхитилась. Нашла в вк.

 

Три поросёнка» на церковно-славянском языке

 

Сказанiе о трiехъ свинiахъ

 

Во время оно, беша Нифъ-Нифъ иже от свинiй есть, и два брата его живяша съ нимъ, ихже имена суть Нафъ-Нафъ и Нуфъ-Нуфъ, иже якоже и братъ ихъ свиниама беша.

Нифъ-Нифъ и Нафъ-Нафъ юродивы беша, Нуфъ-Нуфъ же бе свинъ, премудрости исполненъ. Живяху же во стране добрей, идеже ядоша былiе травное и отъ пчелъ сотъ, ни въ чемъ же имуще нужду. Совещаше же ся, глаголюще, яко мы, добрая свинiя, живуще во стране добрей, не имамы нужды, но несть намъ идеже вселити ближнiя нашя, и вся именiя наша. Возрастъ же имамы пояти себе женъ и родити сыны и дщери, имже несть крова, ниже ночлега, ниже престола домовъ нашихъ. Сотворимъ убо себе три кущи добли, идеже вселимся съ женами и чадами нашими и всемъ именiемъ нашимъ. И бысть распря въ братiи, якоже глагола кiйждо ихъ сотворити домъ свой по желанiю своему. И не согласившеся, како подобаетъ сотворити домы своя, кiйждо изшедъ, сотвори якоже размышляше въ себе. И сотвори убо Нифъ-Нифъ кущу изъ плевелъ, Нафъ-Нафъ же из хврастiя, Нуфъ-Нуфъ же из каменiя созда себе домъ.

И бысть, внегда почиваху свинiя сiя на ложахъ своихъ подъ кровами домовъ своихъ и храпляху, прiиде въ землю ту Волкъ, ищай расхитити именiя, ихже не собра и пояти отъ скота, егоже не пасе и не воздои. И уведевъ о свинiяхъ сихъ, рече въ себе поясти я. Пришедъ же Волкъ въ варъ дневный къ дому плевелному, в немже почиваше Нифъ-Нифъ, не размышляя страха смертнаго грядуща къ нему, дхну вельми зело на плевелы дома Нифъ-Нифова, и сотрясошася стены дому того и обвалишася, зане не имеяху основания на камени, вси же изъ плевелъ создани беша. Внегда же сокрушахуся стены домовныя, восста Нифъ-Нифъ от сна и рече: «Увы мне, яко не послушахъ увещеванiй братiй моихъ, рекшихъ мне, яко не подобаетъ сотворити домъ из плевелъ! Азъ же неразумiемъ моимъ, сотворихъ сiе, и что вижду и камо бежу ныне?» И отверзшу уже Волку пасть свою на порося, избеже оный свинъ въ пределъ брата своего Нафъ-Нафа, Волкъ же гнаше его созади. И воставъ Наф-Нафъ от ложа своего, яко услыша толкуща брата, отверзе. Вшед же въ горницу, возгласи Нифъ-Нифъ гласомъ велiимъ, глаголя: «Увы мне! Яко Волкъ лукавый пришедъ, разори именiе мое плевельное и ныне грядетъ по мне, ища пожрати мя!» И отвещавъ, рече ему Нифъ-Нифъ: «Пришелъ еси ко мне погубити и мя съ собою? Обаче не ужаснися, ниже убойся, яко не изъ плевелъ домъ мой созданъ есть, и не возможетъ Волкъ зде яти ны». Еще же има глаголющама, прiиде Волкъ, грядый воследъ Нифъ-Нифа, и обрете домъ, изъ хврастiя сложенъ. И разумевъ, яко два порося сокрываютася въ немъ, паче озлобився и взалкавше, дхну зело зело на домъ изъ хврастiя и поколебася (домъ). И дхну паки, и сотрясошася стены и паде домъ, якоже и домъ Нифъ-Нифовъ. И обятъ страх велiй свинiя та, и излезша изъ хврастна дома, бежаста отъ Волка въ пределъ Нуфъ-Нуфовъ, зело вопiюща, и хрюкающа, занеже свинiя бяста.

Услышавъ же Нуфъ-Нуфъ шумъ, егоже устроиша братiя его бегуща, изшедъ во сретенiе има. Узревъ же бегство братiй своихъ и зело ужасся, рече има во сретение: «Чесо убо неподобная творита? Убо буiа еста, да бежита отъ Волка? Не должно ли вама наипаче сидети въ домехъ своихъ, егда прiидетъ Волкъ?!»

Она же реста ему, яко не огради я домы ихъ отъ Волка и како падоша (домы), како же бегство сотвориста и силы уже не имутъ сокрытися отъ него. И рече Нуфъ-Нуфъ: «Внидите убо подъ кровъ дома моего, или азъ не братъ вамъ есмь?» Внегда же внидоша свинiя и затвориша двери дома Нуфъ-Нуфова, иже изъ камене бе созданъ, прiиде къ дому Волкъ, алчай зело и ярости преисполненъ еже пожрати порося сiя. Не размысливъ же въ себе, яко домъ сей изъ камене сложенъ есть, дхну на него. Видя же, яко ничесоже бысть стенамъ дома, дхну паки и паки. Разумевъ же, яко не тако подобаетъ пояти порося, въ дому семъ таящiяся, возлезъ на кровлю дома сего, мняше пролезти дымоходомъ пещи огненныя, юже устрои Нуфъ-Нуфъ в дому своем да согреетъ та вся ближнiя его. И услышавше поросята, яко Волкъ якоже змiй влезе въ дымоходъ дому каменнаго, егоже созда Нуфъ-Нуфъ премудрый, сотвориша очагъ въ пещи, и огнь возгоревся, умори Волка, той бо просуну носъ свой въ пещь и застря въ дымоходе, якоже Винiй Пухъ, бе же Волкъ зело упитенный. И возрадовашася свинiя о избавленiи отъ Волка, и живяху вкупе въ дому Нуфъ-Нуфове вся дни живота своего.