Разлучаны,як рэчкай берагі,

Разлучаны,як рэчкай берагі,

На сэрцы толькі боль расчаравання.

Навошта ж словы:"Любы,дарагі "

Табе казала я у час спаткання?

На бераг твой ніколі не ўзысці,

Каб зноўку мне пачуць тваё дыханне.

Спынілася--не трэба ўжо плысці--

Ды застаецца ў позірку чаканне.

І хоць не з намі лепшыя часы,

Але яны душу вярэдзяць болем.

Ці ж птушка шчасця толькі для красы,

Няўжо я не злаўлю яе ніколі?