Пралескi

Усё наперадзе…

Хутка зменяцца,

I жыццё, i жаданнi, i мары.

 

Будуць новыя,

Днi вясновыя,

Моцным ветрам разгоняцца хмары.

 

Толькi добрыя,

Толькi шчодрыя,

У душы захавай спадзяваннi.

 

Зноўку шчырымi,

Нiбы крыламi,

Дакранаюцца словы Кахання.

 

Цёплым дожджыкам,

Асцярожненька,

Сакавiк зазiрне ў акенца.

 

Патурбуецца,

Захвалюецца,

Хай Каханнем напоўнiцца сэрца.

 

Бачу вулiцу,

Неба хмурыцца,

Ды з-пад снегу травiны жаданыя,

 

Пералескамi,

За пралескамi,

Па дарогах iдуць Закаханыя…

 

 

© Copyright: 2016

Регистрационный номер № 000184578