Духмяны яблык на маёй далонi

Духмяны яблык на маёй далонi,

Як сэрца верасня з гарачаю крывёй.

На небасхiле ў восеньскiм палоне

Прастыла сонца ўранку над землей.

 

Чырвоным сцелюць сцежкi лiстапады

I брыльянтам зiхацiць раса.

Абрусам вышытым азёры i абшары

Ляглi навокал, быццам паласа.

 

У паветры свежасць немiнулых мараў,

Перада мной - дарога ўвышыню,

Са мною побач за руку трымае,

Каго кахаю сэрцам i люблю.