Къыз боджеги ве къырмыскъа (Перевод басни "Стрекоза и Муравей")
Атлавуч къыз боджеги
Язны йырлап кечирди.
Сувукъ къыш кельгенини
Бирден заваллы сезди.
Мос-мор олгъан тарлалар;
Айдын куньлер ёкъ олгъан.
Эр бир япракъ тюбюнде
Энди ем-эв олмагъан.
Эр шей кечти: бузлу къышнен
Аджет, ачлыкъ адымлай;
Энди гъарип йырламай:
Кимнинъ акълына келир
Бош мидеге йырламакъ!
Ачув асретке дала,
Къырмыскъагъа ёл ала:
«Къудам! Лютфен, ялварам,
Къышнен ёкъ олды байрам.
Баарь куньлерге къадар
Мени ким аджып сакълар?»
«Къудачыгъым, худжур ал:
Ёкъмы энди кучь-меджал?» –
Къырмыскъа ондан сорай.
«Кучь-къувет – тантанадан!
Ишке кимлер даяна?
Шенълик, йырлар – эр заман!
Тап башчыгъым айляна».
«Ёкъса сен…» - «Мен къалайым,
Чюнки мен бутюн язны
Ойнап-кулюп кечирдим» –
«Сен йырладын? Буюк иштир:
Бар, энди ойна, бакъайым!»
