ПАЭТЫ, РЫЖЫСЁРЫ, МАСТАКI…

Паэты, рыжысёры, мастакi,

Празаiкi, музыкi – песняры народа,

Як адшукаць чароўныя радкi,

Каб свет нарэшце прымiрыць пакровам згоды?

 

Якiя колеры на далягляд

Пралiць, каб заiграў вясёлкаю у сэрцах?

Сяброўства паскам шчыра змог звязаць,

Ды апаiць напiткамi павагi з верай.

 

Якою гамай абудзiць эфир,

Каб адарыў былiнку, нават, Божай iскрай?

Гучаў у душах спеў духоўных лiр,

Сцярог ад лiрыкi, каварствам звiтай гiбкiм.

 

Якiя песнi над калыскай пець,

Каб мудрасць сцерагла i ранкам, i падвечар?

У сэрцах сонца не змагло сатлець,

Ды не згубiў сусвет любоў i чалавечнасць…

 

Якою мовай думкi ахiнуць,

Каб распалiць агмень, што не дымiць, а ззяе? –

Бацькоўскаю, каб абудзiць вясну,

Ды птахам словы узляцелi ўвысь над краем.