З далёкага

Мне з далёкага далёку

Зноў прыходзяць ноччу сны,

Смак бярозавага соку,

Подых маладой вясны.

 

Срэбны ранак шчодра росы

Сее на дыван травы,

Я іду няспешна босы,

Вольна кружаць журавы.

 

І бяжыць дзяцінства сцежка

Тонкай ніткаю з двара,

Думы радасныя цешыць

Гаманлівая пара.

 

Я імкнуся рэзка следам,

Не магу ніяк дагнаць,

Мне пад зорным чыстым небам

Час руплівы не стрымаць.

 

2021