Прыемна

Прыемна адчуць водар бэзу ў траўні,

Як быццам з удыхам пусціў яшчэ дух

Надзеі, жыцця, пачуцці хвалявання -

І ў сэрцы няўяўны ствараецца рух.

 

То час заляцанняў, абдымкаў, размоваў

Да ночы на лаўцы, калі свеціць месяц.

Пакуль малады і таксама здаровы,

Спяваем ля вогнішча разам у лесе.

 

А ў чэрвені чуць водар моцнай шыпшыны,

Любоў адчуваць кожнай клеткай да свету:

І выкід магутны ў крыві эндарфінаў,

Бо зараз валодае моцнае лета.