ДУХОУНАЕ СУЗОР`Е

Па праўдзе, кожны з нас сусвет асобны,

Свае пад сэрцам носiм вымярэннi.

Мы цэнiм свет такiм, як бачыць здольны,

Наш свет такi, як нашае сумленне.

 

У пошуках духоўнага сузор`я

Мы калясiм па свеце ў адзiноце.

Калоцiць душы за памылкi штормам,

Бунтуе наш сусвет з сабой ў нязгодзе.

 

Нiшто ў жыццi не звязвае так моцна,

Як полымя духоўнага агменю.

Будзiць, цяплом яднаць сусветы здольна,

Звiвае нам шляхi сваiм праменем.

 

Яно для нас заўжды глыток паветра,

Вiруе, б`е крынiчкай радавода.

Дае нам сок iсцi да новай эры

У сэрцах з сонцам, з цёплаю пагодай…