НАША ЗОРАЧКА

Прысвечана праўнучцы

Маленькi, даражэнькi чалавечак,

Прыйшоў, як зорачка, на белы свет.

З iмкненнем шлях прадоўжыць наш у вечнасць,

Дай Бог, каб доля сцерагла ад бед…

Анёлак Божы, мiлая дзяўчынка,

Зiяюць вочкi, быццам аганёк.

Матуля з бацькам нараклi Дарынкай,

Ты дар, жаданы сэрцаў iх расток…

Расцi ў любвi, бацькоўскай цёплай ласцы,

Няхай шкадуюць родныя i Бог,

Малiтва над калыскай роднай мацi

Сон сцеражэ, ахоўвае цвяток…

Мiлуе лёс ды песцiць дзiцянятка,

Згадаюць зоры ёй шчаслiвы шлях,

Заўжды хай будуць побач мама, татка,

Гучыць у хаце смех па вечарах…

Отзывы

Як добра, зямлячка! У шчаслівы шлях нам усім...

Аляксандр, Дай Бог, шчаслiвых дарог i зыркага сонца! Ды сапрауды усiм...