Лёс

Майму бацьку, братам, а так сама суайчыннiкам прысвячаю

*****

За кожны час, за кожную хвiлiну

Удзячны лёсу, ён мне дараваў,

Звяртацца зноў у родную краiну,

Дзе б я нi быў i дзе б нi вандраваў.

 

*****

Тут усё знаёма змалку -

Вось сцяжынка, па якой

Дружна зранку на рыбалку

Беглi з хлопцамi гурбой.

 

Беражок, унiзе - рэчка,

Колькi год, а ўсё цячэ.

Толькi знiклi гульнi, спрэчкi,

Знiк заплыў на хто хутчэй.

 

Аглядаю наваколле -

Колькi светлых успамiн.

Ўсiх сяброў маiх па школе

Беражы, Гасподзь! Амiн!

 

Беларусь - мая каханка!

Сiнь азёр, блакiт нябёс.

Ўлетку жыта калыханка.

Тут мой кут i з iм мой лёс.

 

Тут развiтваўся с дзяцiнствам.

Ля жытнёвае скipды

Знак даваў дзяўчыне свiстам,

I прызнаўся ёй тады

 

У пачуццях i iмкненнi

Быць каханым i кахаць,

Разам шлях прайсцi сумленна,

Ў родным краi працаваць.

 

Раскiдае лiсце восень,

Прыйдзе раптам i мая.

Штосьцi, мабыць, не збылося,

Але ўдзячны лёсу я!