Ма итлетĕн юрăç сассине...

* * *

Ма итлетĕн юрăç сассине,

тинкерсе пăхатăн ун çине?

Сасси мар, тумтирĕ хитререх,

а юрри ашакăнни пекех.

 

Тахçанах пулман эс вăрманта,

чăн-чăн юрăç пурăнать унта.

Кайăксен юрри ку. Итлесем:

Турăна савса юрлаç вĕсем.

 

Ав, пăхсамччĕ: пĕчĕк çырмара

симĕс курăк уйрăмах çăра.

Çĕрĕн-кунĕн юханшыв юрлать,

Турăпа вăл тăтăш калаçать.

 

Шăрчăксен концерчĕ те аван:

шăпланса итлет ăна вăрман.

Шăплăха та утнăçем итле –

таврăнмашкăн ан васка киле.

 

Хваттерте сана мĕскер кĕтет?

Çынсенчен хăрать экран, чĕтрет.

Тамăк пек чăнах этем тĕнчи –

çитĕнесшĕн мар ыраш пĕрчи,

 

хăратать пăшал сасси ăна,

çавăнпа ӳкет тӳрех шăна.

Тамăк шавĕ пулĕ çĕнтерӳ?

Шăв-шавра чирленĕ сан чĕрӳ.

 

Сыватаймĕ чĕрӳне попса –

улăха тухсам, çарран чупса.

Çĕнĕленĕ вараланнă юн,

юрлама та пуçлĕ санăн чун.

 

04.02.2019 12:30

Сергиев Посад