Сар хĕр пекех хĕрелчĕ шуçăм...

* * *

Сар хĕр пекех хĕрелчĕ шуçăм

çу вĕçĕнче ирпе ирех.

Вăрман варри – чечеклĕ уçăм.

Уçланкăра илемлĕрех.

Хĕвел тухсан, сĕрлет пыл хурчĕ.

Ав, курăнать лесникăн çурчĕ,

йĕри-тавра мĕнчуль вĕлле!

Юханшывра вылять шевле.

Ăна тытас тесе пуль вĕршĕн

шыв çийĕн çиçĕм пек вĕçет,

леш еннелле пăлан ишет…

Епле-ха савăнмăн çак çĕршĕн!

Темскер шыратпăр кăлăхах.

Кунта кăна чăн-чăн çăтмах.

 

13.01.2019 18:00

Сергиев Посад