Юр çăвать çĕр питне хупласа

* * *

Юр çăвать çĕр питне хупласа

вунă пин çул пекех каялла.

Çивиттийĕ шап-шурă, таса.

Эп тăсатăп хĕрелнĕ алла –

 

юр пĕрчи ал тупанĕ çине

çăлтăр пек васкамасăр ӳкет.

Вăл кунта мĕн тери хитрине

çĕр çинчех манăн чунăм сисет.

 

Кам-ши, кам, тăрмашса тӳпере,

шур юртан хатĕрлет бриллиант?..

Ан йĕпет ирĕлсе ӳт-тире,

пурăнсамччĕ тата пин самант…

 

Кашни çын çĕр çинче – юр пĕрчи:

ирĕлетпĕр эпир кашни кун.

Тăхтасам ашкăнма, çил ачи!

Сивĕнме ан васка, вĕри юн!

 

11.01.2019 18:15

Сергиев Посад