Яштак та çамрăк хурăна ...

* * *

Яштак та çамрăк хурăна

мĕн-ма-ши эпĕ ыталарăм?

Хĕл сиввинчен хăтараймарăм –

ма шанчăк патăм-ши ăна?

 

Сар кĕпине кĕрхи çилсем

çуркуннеччен хывса илсессĕн,

юр пĕрчисем вĕçсе килсессĕн,

чĕтрерĕç шăннă пӳрнисем.

 

Витмерĕ шурă кĕрĕкпе

ăна туймасăр хĕл мучийĕ.

Кăштах пăрланчĕ хурăн çийĕ –

сисмерĕ нимĕн те тӳпе…

 

Вăркăштарать темскер чуна:

эп илеме пулăшаймарăм.

Мĕн-ма-ши хытă ыталарăм

яштак пике пек хурăна?

 

10.01.2019 23:00

Сергиев Посад