Паэтычныя вытокi

Адкуль у паэта рыфма?
Яна прыходзiць ад сноў,
Вядзе як цудоўная Нiмфа,
У свет вершаваных радкоў.

Адкуль у паэта муза?
З кахання спрадвечных гадоў,
Яна ўплятаецца стужкай,
Сярод вершаваных радкоў.

Адкуль у паэта сюжэты?
З жыццёвых i сталых высноў,
Высновы кладуць паэты,
На лад вершаваных радкоў.

Адкуль на Зямлi паэты?
З якiх невядомых краёў?
Ты знойдзеш адказ на гэта,
Памiж вершаваных радкоў!

2013