След паэта

Калі ў мяне спытае ўнук ці параўнук:

Які ты след пакінуў для людзей?

Я пакажу яму на сэрцы рану,

Што мой народ да веры павядзе.

 

Без веры жыць ніхто не мае права.

Жыць без Радзімы -- пахаваць сябе:

У ланцугі закуць вясновы ранак

І сейбіта не ўбачыць на сяўбе.

 

Я веру, што пасеянае слова

У новым пакаленні прарасце

І стане для народа той асновай,

Што з вераю адродзіцца ў Хрысце.