РЭЧЫЦА

Сабіраў аднойчы рэчы цар

Ды згубіў свой крыжык на зямлі.

На тым месцы вырас горад Рэчыца –

На пагорках ён стаіць сямі.

 

А вакол – Дняпро, бы сымбаль нацыі

І зямлі, што веру зберагла.

Ганарацца беларусы працаю,

Бо яна ім выжыць памагла.

 

У часы панурыя, галодныя,

Што не грэлі вераю народ,

Рэчыца і Ветка сталі роднымі

Вернікам, што доўжылі свой род.

 

Стараверы Богу тут маліліся

Ля старых, счарнелых абразоў,

Каб з малітвай іх на глебу выліўся

Горада прыгожага назоў.

 

2015