ЦЫГАНІІ

Уся зямля – цыганская Радзіма –

На Сусветнай круціцца асі.

Ёй спыніцца нельга на гадзіну,

Ты яе аб гэтым не прасі.

 

Задрыжыць паветра галасамі,

Адзавецца ў лузе росным конь.

Нібы здань вякоў, агонь гайсае –

Несуцешны будучыні боль.

 

Ты мяне пакліч з сабою разам,

Млечны Шлях і трэск кастра ў начы –

Белы дым малюе ў небе вазу

Для духмяных кветак-аблачын.

 

У цыган адзіны шлях – дарога

І начнога неба хараство.

І кібітка, дадзеная Богам,

І начлег у полі ля кастроў.

 

1989