***Як балюча! Як крыўдна! Як горка…

« А свет ізноў на вастрыні надзей»

Я.Янішчыц

 

Як балюча! Як крыўдна! Як горка…

Там вайна!.. На суседскім падворку.

Чалавечая годнасць траціцца.

І бязвінным жыццём доўг плаціцца.

 

І ці будзе хто ў тым вінаваты?

Сатана правіць баль п'янаваты.

Сыпле жорсткасць, бяду, раўнадушша…

Адлятаюць пакутліва душы.

 

Свет аглух! Анямеў! Свет аслеп!

Вунь - на вострым лязе яго след.

І крывавіць асенняя пожня.

Памірае надзея апошняй!