ЖАДАННЕ БЫЦЬ ЛЕПШЫМ

Жаданне быць лепшым, хаця бы не горшым,

Не горш за суседа, за брата, за свата...

Рыхтуе палітру, мазком асцярожным,

Спачатку, малюе наш вобраз заўзята.

 

Хлусня прыжывецца ў далейшым, сястрою

Для сэрца прыкінецца хітра, а розум,

Апоены славай жаданаю, зорнай,

Наложыць табу на мараль нашу й роздум.

 

Згубіўшы сябе ў закуліснай прасторы

Хлусні, адшукаць вельмі цяжка свой вобраз.

Схаваны ў цямніцы, за тоўстыя шторы,

Дар Божы згубіўся, развеяла злоба.

 

Сапраўднае «Я» не ўжываецца з маскай,

Душэўныя слёзы пякуць за фасадам.

Няўтульна, як кажуць, пад коўдраю з казкі

Драмаць ёй,чужому касцюму не рада.

 

Быць важна сабою на сцежцы жыццёвай,

Прыбрацца ў чужы сарафан не імкнуцца.

Губляем сябе, надзяваем аковы

На лёс свой, губляецца твар і пачуцці.