ШТО НІ ДЗЕНЬ

Што ні дзень, то прысвячэнне,

Розум хітры тчэ і тчэ нам.

Ветра дзень і дзень машыны,

Дзень дабра і дзень мышыны.

Сонца дзень і дзень світання,

Лапця, глупстваў і жаданняў.

Дзень галёшаў і бацінка

Ды жучка і павуцінкі.

Кожны дзень святкуй, дзівіся,

Прысвячай дзень кошцы, крысе...

На паперы складна, гладка,

Пакрывае сэрца латкай.

Пажылым, шкада, павага —

З тых вякоў, як кажуць, сага.

Бот, халява... болей-далей

Усе дні сягоння ўкралі.

Дзён не маем для сумлення,

Весялухаў розных пленнік.

Мо патрэбен спісак новы,

Каб балелі ў нас галовы

Не па боту і халяве,

А па ніве, бацьку, маме.