АВАЛОДАЦЬ МАРУ СЛОВАМ

Авалодаць мару словам,

Вiртуозна, артыстычна,

Каб шапталi: «Не жанглёр вось,

Спеў лiецца меладычна…

 

Край адзене ў сарафанчык –

Што стаiць, як каралева.

Зоркi дзiўна ў небе танчаць,

Кружаць дружна з птушак спевам.

 

Зачаруе камплементам –

Засмяецца месяц гучна.

Праляцiць з крылатым ветрам,

Каб прачнулiся пачуццi».

 

Толькi дзе мне навучыцца

Не згубiць цяпло i мары?

З студнi бацькавай вадзiца

Змые з сэрца змея хмары.