ПОСПЯХI I ПАРАЖЭННI
Жыццё саткана з розных нiтак:
То мягкiя, як кужалёк кашулi.
Якой маленькiм быў спавiты,
Рукой лагоднай роднае матулi.
Бывае пасма, як асока,
Што замiрае сэрца i дыханне.
Для мудрых стане як урокам,
Чырвонцам залатым, выпрабаваннем.
Нас поспех забаўляе, цешыць,
А паражэннi моц даюць i сiлы,
Яны – магутны грамавержац,
Душу вяртаюць да святой малiтвы.
Нас закаляюць паражэннi,
Характар наш куюць рукой жалезнай,
Яны экзамен для сумлення,
Завуць, мiгаюць з неба зоркай светлай.
Жыццё саткана ўперамежку:
I поспехi, i паражэннi ў звязку,
Жыццёвы наш арол i рэшка,
Любоў Гасподняя, цяпло i ласка.
