СЭРЦА БЕЗ СУМЛЕННЯ

Дзе сумленне прадаецца

За няшчасныя грашы.

За сталом пiруе ерась,

Шпарка крочыць па глушы.

 

Маладухай кружыць хiтрай,

Ўсiх паслушных – пад крыло…

Недавер`е – скруцiць гiдра,

Каб не сеяла святло…

 

Розум топiць у тумане,

Шкарлупiна на душы.

Топча сэрцы ў акiяне

Перапоўненным хлуснi.

 

Зорнае хавае неба

Мураванаю сцяной.

Замяняе быль на небыль,

Спавiвае думкi цьмой…

 

Крок за крокам у балота

Без сумлення мы iдзём.

Д`ябал – родная iстота…

Парасло нутро быллём.

 

Прачынацца трэба хутка,

Бо над пропасцю нага.

Травiць нас маны атрута,

Што лiецца, як рака.

 

Зоры ясныя мiгаюць,

Ў сэрцы просiцца прамень,

Вышынёй нас зазываюць,

Прадракаюць новы дзень…