Золак прыйдзе

Бел-чырвонае адзенне

сiмвал годнасцi, сумлення.

Лёгка трапiць у засценкi

за чырвоную сукенку

ды за белую спаднiцу -

ўлада фарбаў тых баiцца.

Гучны каментар ў сацсетках,

бел-чырвоныя шкарпеткi,

памiдоры са смятанай -

ёсць зачэпка быць забраным.

Пакаранне - штраф цi соднi,

наша рэчаiснасць сёння.

Зразумее скора хтосьцi,

страху меней ў нас чым злосцi.

Блiзка час - завершым справу,

зробiм вольнаю дзяржаву.

Золак пасля доўгай ночы

прыйдзе ў Беларусь аднойчы,

i тады чырвона-белым

край наш стане вокамгненна!