Ĕнер хĕвел кулса пăхатчĕ çĕр çине.

* * *

Ĕнер хĕвел кулса пăхатчĕ çĕр çине.

Паян вара çанталăк ăмăр.

Кун шучĕсем çитсессĕн те пине,

хĕвел анас чухне тӳпе пит хăмăр.

 

Е ялкăшса çунать вăл вут пекех,

хыпса илет вара юнланнă тинĕс,

е çĕр çине анма хушать те инкеке –

ӳсентăран пулма пăрахрĕ симĕс.

 

Çак çĕр çинчех пурнатпăр-ха эпир,

куçсем час-час куççуль тăкаççĕ.

Уксах ураллă ав шăл йĕрекен кассир

хĕтĕртнипе, пăхсам, билет сутаççĕ…

 

Ăçта эсир, хĕвелпеле сенкер тӳпе?

Çанталăкĕ мĕн-ма паян тĕтреллĕ?

Эп ĕненетĕп: Турă ирĕкпе

ыранхи кун пулать, пулать йĕркеллĕ!

 

01.02.2020 14:20

Сергиев Посад