РАСПРАВIЦЬ КРЫЛЫ

Я прачнуўся сёння ў раннi,

Пакланiўся небу й долу,

Стаў прад Богам на каленi…

Ты даруй мне, як сляпому,

Што не бачыў я вякамi

Плач народа, боль i страхi,

Што звiнiць ён кайданамi,

Як бы ў клетцы б`юцца птахi.

Правядзi, Гасподзь, праз цемру,

Каб знайшоў я ключ да шчасця…

Умацуй у сэрцы веру,

Каб народ змог развiтацца

З ланцугамi… Дай нам сiлы,

Каб, як вольны птах, узняцца

Да нябёс… Расправiць крылы…

У святочным i шаўковым,

Як бялюткi снег, убраннi

Разам з клiнам жаўруковым,

Як з каханай на спатканнi,

Закружыцца вакол сонца…

Гамай белай на чырвоным

Растапiць лядзяк на сэрцы

У прастор паклiкаць вольны…