ГІМН ЖАНЧЫН БЕЛАРУСІ
Мы, беларускі, мірна паўсталі
Супраць улады, што кроў ліе ракой,
Мы не жадаем, каб нас гвалтавалі
Чорныя не́людзі ўлады такой!
Годзе трымцець, дачакаўшы пасады,
Толькі была б тая ціша ды гладзь!
Мы не жадаем, каб нашыя ўлады
Самі сябе пачалі выбіраць!
Мы беларускі, маці, жанчыны,
Любай краіны фонд залаты,
Шлях наш да міру толькі адзіны –
Белую Русь зберагчы ад бяды!
Годнасць папраная, гонар папраны
Жудам бязлітасных жорсткіх распраў.
Ганьба наймітам і ганьба тырану,
Што крывадушна уладу забраў!
Мы – беларускі! Разам мы – сіла,
Мы не жадаем крывавае вайны!
Маці сказалі – маці зрабілі,
Каб ганарыліся намі сыны!
Розумам светлым, з любоўю і верай
Робім мы крок да няпраўднай мяжы,
Ад крывасмокаў, ад ненажэраў,
Божа, Айчыну для нас зберажы!
