Ман асăмран каймасть хура мунча...

* * *

Ман асăмран каймасть хура мунча,

серте яшки, шăнкăртакан çăл куçĕ;

урам тулли чупать ача-пăча,

ĕне мĕкĕрнипе тулать ял пуçĕ.

 

Ăшран тухмасть пĕве çинчи ăрша;

шыв хумĕ пек чупать ырашăн хумĕ;

алран çăкăр чĕлли илет лаша;

асра юлать хĕрсен теветлĕ тумĕ.

 

Ĕçе тухсан, туятăп чĕрепе:

ялти çынсем тăван çемье пек маншăн.

Хаяр сăмах илтсессĕн çĕрĕпе,

чун ыратать пуль çыннăн та Ла-Маншăн.

 

Ман шухăмра хаваслă юрату:

унпа тулли, илемлĕ çутçанталăк,

унпа кăна çухалĕ ырату,

уçма пулать кирек мĕнле те алăк.

 

14.07.2018 15:30

Сергиев Посад