Иллюзия Оценки

Ілюзіі Адчуванняў. Ілюзія Ацэнкі.

 

Я бяру на далоні,

з набыцця, з нажытога…

На жыццёвым каб склоне

ўразумець –

што з чаго тут

паболей намнога…

 

Быццам створы адкрыліся…

Сыпле, сыпле бясконца,

і з таго, што здарЫлася,

і з таго,

што няспоўніцца…

 

Тут – пустое, і – добрае,

і – сьвятое, і – дрэннае.

Вось за гэта – мне сорамна…

А вось гэта –

прыемнае…

 

Год – цяжкІ…

Год – з лягчынкаю…

Працаёмкія месяцы…

І – хвіліны з учынкамі…

У далонях –

ня месцяцца…

 

Апусціў я далоні.

Кінуў спробу узважыць…

Хай,

калі пахароняць,

кожны нешта ды скажа…

*+*

ноч, Мінск, Лоджыя