Сум

Што за сум такі, што за сум

У вачах сваіх я нясу.

Як пазбавіцца ад яго,

Каб ад сэрца ўсё адлягло.

 

Гэй, Айчына! -- Ты чуеш боль,

Што мяне парадніў з табой?

Ой, як цяжка,.. -- не расказаць --

Думкі ў сэрцы сваім вязаць.

 

Ратаваць твой спакой і дзень

Новым вершам сваіх надзей.

Каб пасля перадаць настрой,

Тым, хто зробіць з яго настой

 

І адродзіць напоем тым

Дух народа майго святы.

І загіне адразу сум

Што ў вачах я сваіх нясу.