Паэт i Муза

Натхненне недзе заблукала.

І Муза не прыйшла-прапала!

Пішу, і зноў ірву паперу,

Ужо стаміўшыся без меры.

 

-Ну дзе ты, Муза,адгукніся!

Знайду цябе,лепей скарыся!,-

Стрымаць не ў сілах раздражненне.

Кіпіць, ірвецца абурэнне:

 

-Чым заплаціць табе,зараза?!

Давай дамовімся адразу!

А-у!Каго ты там натхняеш?

На моры з кім адпачываеш?

 

Ці мо суседу аддаешся?!

Ага!Прыйшла!!!Чаго смяешся?

Ну добра,мір.Чаго сваруся?

Зноў за пяро сваё бяруся...

 

натхненне(белор.)-вдохновение

сваруся(белор.)-ругаюсь