МОВА - НАШ КОД

Мова народа — сакральнае зерне,

Што прарастае на полі духоўным.

Код, што на шлях дабрачынны паверне,

Код нашых сэрцаў— культурны, народны.

 

Ён — ключ пазнання дыхання краіны,

Ён — прывітанне ад прашчураў нашых.

Пасак, што звяжа нас колам адзіным,

Выбар падкажа на сцежках абраных.

 

Мова — народжана сэрцам бацькоўскім —

Шчырасцю краю квітнее на тварах.

Мова штурхае на творчыя крокі,

Сокам частуе, зямелькі адварам.

 

Мова — зярнятка любові да краю,

Мудрых традыцый народа калодзеж.

Наш ДНК клапатліва хавае,

Каб захаваць, як прамень у народзе.