Застанецца

Выйду халоднай раніцай,

Снег малады іскрыцца,

Сосен вяршынь кранаецца

Рудае сонца быццам.

 

Вее зімовай свежасцю,

Злегку слязяцца вочы.

Побач, па белай снежнасц,

Студзень імкліва крочыць.

 

Без мітусні і панікі

Ліст каляндар пакіне,

Сыпле пад ногі шарыкі

Закасцянелы іней.

 

Хай назаўжды застанецца,

Тая жыве хвіліна,

Дзе мы калісьці раніцай

Марылі так наіўна.

 

2021