Дакрануся далонямi

Роднай Беларусi прысвячаецца…
 
 
Дакрануся далонямi,
Я да роднай зямлi,
Чую подых яе,
Бачу рэкi, палi.
 
Леса хвойнага водар,
I азёраў блакiт,
Тут паласы рамонкаў,
Там лугоў аксамiт.
 
Разальецца лагодна,
На дарогi туман,
Харашунi бярозкi,
Упрыгожаць курган.
 
А на нiве жытнёвай,
Абдыму каласы,
Ранiцою праменнi,
Мiльгацяць ад расы.
 
Заструменiць крынiчка,
Ад чысцюткай вады,
Нiбы ўраз маладзееш,
Адступаюць гады.
 
Дакрануся далонямi,
I скажу, Божа мой,
Гэта шчасце, кранацца,
Да Радзiмы сваёй.
  2015