Братка мой!

1.10.13
Братка мой! Гэй! Беларус!
Трэба нам мяняць сістэму
Дергануць ката за вус
Што з'ядае ўсю смятану

Уздыміся хваляй жвавай
Хопіць ужо ляжаць на печцы
Вораг з мараю крывавай
Ботам грукае ў сенцы

Братка мой! Гэй! Беларус!
Хіба ты ўжо нявольнік?
І хіба душы абрус
Стаў табе як той магільнік?

Вораг твой не за мяжой
Смокча з сэрца ён краіны
Уздыміся братка мой!
Час ідзе ўжо на хвіліны!

Альбо жудасная бойка
Альбо ўжо ланцуг на век...
Беларусы, нас не жменька!
Скот ты брат ці чалавек?